Sun, 22 Nov 2026
🔴 BREAKING
ఆర్‌టీసీ క్రాస్‌రోడ్స్‌లో ప్రారంభోత్సవం రోజునే రూ.800 కోట్ల అమ్మకాలు సాధించిన ఏఎస్‌బీఎల్‌ లెగసీ నవనిర్మాణ్ ఫౌండేషన్ మరియు ట్రూ కనెక్ట్ ఈవెంట్స్ అండ్ ఎక్స్‌పోస్ సంయుక్త ఆధ్వర్యంలో హైదరాబాద్‌లోని ప్రసాద్ ఐమ్యాక్స్ సమీపంలోని హెచ్‌ఎండీఏ గ్రౌండ్స్‌లో నిర్వహిస్తున్న FAABXPO 2026 – ఫుడ్ అండ్ అగ్రి బిజినెస్ ఎక్స్‌పో GeM పోర్టల్ ద్వారా అవగాహన ఒప్పందం (MoU) కుదుర్చుకున్న ట్రైబల్ ఇండియన్ ఛాంబర్ ఆఫ్ కామర్స్ ( టిక్కి) నాంపల్లిలోని ఇందిరా ప్రియదర్శిని ఆడిటోరియంలో నిర్వహించిన ఇందిరమ్మ కుటుంబ జీవిత బీమా పథకం ఎపిక్ ఇంటర్నేషనల్ హాస్పిటల్‌ను ప్రారంభించిన జూబ్లీహిల్స్ ఎమ్మెల్యే విశిష్ట సామాజిక సేవకు గాను డాక్టర్ విజయరాజ్ గడ్డం గారికి ప్రతిష్టాత్మక “సేవా రత్న” పురస్కారం
Uncategorized

నవనిర్మాణ్ ఫౌండేషన్ మరియు ట్రూ కనెక్ట్ ఈవెంట్స్ అండ్ ఎక్స్‌పోస్ సంయుక్త ఆధ్వర్యంలో హైదరాబాద్‌లోని ప్రసాద్ ఐమ్యాక్స్ సమీపంలోని హెచ్‌ఎండీఏ గ్రౌండ్స్‌లో నిర్వహిస్తున్న FAABXPO 2026 – ఫుడ్ అండ్ అగ్రి బిజినెస్ ఎక్స్‌పో

హైదరాబాద్, నవంబర్ 20, 2026: రైతులు, వ్యవసాయ పారిశ్రామికవేత్తలు, ఆహార ఉత్పత్తిదారులు, ఎఫ్‌పీఓ ప్రతినిధులు, వ్యాపారవేత్తలు, యువత వేలాదిగా తరలివచ్చి ఈ కార్యక్రమాన్ని విజయవంతం చేశారు.

ప్రముఖ అతిథుల సమక్షంలో ఘనంగా ప్రారంభోత్సవం

ఉదయం నిర్వహించిన ప్రారంభోత్సవ కార్యక్రమంలో తెలంగాణ రాష్ట్ర వ్యవసాయ, మార్కెటింగ్, సహకార, చేనేత మరియు జౌళి శాఖల మంత్రి శ్రీ తుమ్మల నాగేశ్వరరావు గారు ముఖ్య అతిథిగా పాల్గొన్నారు.ఈ కార్యక్రమంలో టీపీసీసీ ప్రధాన కార్యదర్శి శ్రీమతి పి. విజయారెడ్డి, హెచ్‌ఎండీఏ ఉద్యానవన శాఖ అసిస్టెంట్ డైరెక్టర్ శ్రీ దొనేపూడి చక్రపాణి, ప్రగతి రిసార్ట్స్ వ్యవస్థాపక చైర్మన్ డాక్టర్ గద్దిపాటి బాల కోటేశ్వరరావు, మాజీ సైనిక అధికారి మేజర్ ఎస్.పి.ఎస్. ఒబెరాయ్, ప్రముఖ వ్యవసాయ శాస్త్రవేత్త డాక్టర్ ఎస్.ఏ. హుస్సేన్, పోలీస్ డిప్యూటీ కమిషనర్ శ్రీమతి కె. శిల్పవల్లి, ఐపీఎస్, ఇన్‌ఏకర్స్ వ్యవస్థాపకులు శ్రీ కంద్లగుంట శ్రీనివాసరావు, నామార్ట్ మరియు నాక్రో బయోటెక్ లిమిటెడ్ వ్యవస్థాపక చైర్మన్ శ్రీ బత్తినేని సుధాకర్ చౌదరి తదితర ప్రముఖులు పాల్గొని కార్యక్రమానికి ప్రత్యేక ఆకర్షణగా నిలిచారు.రైతులకు అంతర్జాతీయ మార్కెట్ అవకాశాలపై అవగాహన

మధ్యాహ్నం నిర్వహించిన ఇంపోర్ట్స్ అండ్ ఎక్స్‌పోర్ట్స్ వర్క్‌షాప్ విశేష స్పందనను అందుకుంది.

ఈ వర్క్‌షాప్‌లో ఐఫార్మ్స్‌కు చెందిన శ్రీ హనుమంతు ప్రసాద్, ఎఫ్‌ఐఈఓ తెలంగాణ ప్రతినిధి శ్రీ రామచంద్ర కులకర్ణి, ఏపీఈడీఏ ప్రతినిధి శ్రీ ఆర్.పి. నాయుడు, ఎఫ్‌ఎస్‌ఎస్‌ఏఐ డిప్యూటీ డైరెక్టర్ శ్రీ బాలు నాయక్ కేతావత్, ఎలైట్‌లాజిక్స్ ఎగ్జిమ్‌కు చెందిన శ్రీ రవి ఆకుండి తదితర నిపుణులు పాల్గొన్నారు.

వ్యవసాయ ఉత్పత్తుల ఎగుమతులు, అంతర్జాతీయ మార్కెట్ అవకాశాలు, ఎగుమతులకు అవసరమైన అనుమతులు, నాణ్యతా ప్రమాణాలు, సర్టిఫికేషన్లు, మార్కెట్ అనుసంధానం వంటి అంశాలపై రైతులు, వ్యాపారవేత్తలకు విలువైన అవగాహన కల్పించారు.వ్యవసాయాన్ని లాభసాటి వ్యాపారంగా మార్చడమే లక్ష్యం

ఈ సందర్భంగా నవనిర్మాణ్ ఫౌండేషన్ వ్యవస్థాపకులు, చైర్మన్ శ్రీ రాంబాబు పొన్నాన మాట్లాడుతూ:

“రైతు కేవలం పంట పండించే వ్యక్తిగా మాత్రమే మిగిలిపోకూడదు. తాను పండించిన ఉత్పత్తికి సరైన మార్కెట్‌ను గుర్తించి, విలువ ఆధారిత ఉత్పత్తులను తయారు చేసి, దేశీయ మరియు అంతర్జాతీయ మార్కెట్లలో వ్యాపారవేత్తగా ఎదగాలి. వ్యవసాయం అంటే కేవలం సాగు మాత్రమే కాదు. విత్తనం నుంచి వినియోగదారుడి వరకు ప్రతి దశలోనూ అపారమైన వ్యాపార అవకాశాలు ఉన్నాయి.

ఆ అవకాశాలను రైతులకు, యువతకు, వ్యవసాయ పారిశ్రామికవేత్తలకు అందుబాటులోకి తీసుకురావడమే FAABXPO ప్రధాన లక్ష్యం” అని పేర్కొన్నారు.

సమష్టి కృషితో తొలి రోజు విజయవంతం

నవనిర్మాణ్ ఫౌండేషన్ వ్యవస్థాపక చైర్మన్ శ్రీ రాంబాబు పొన్నాన, సీఈఓ శ్రీ జగదీశ్వరరావు పొన్నాన, ట్రూ కనెక్ట్ ఈవెంట్స్ అండ్ ఎక్స్‌పోస్ నిర్వాహక బృందం, వాలంటీర్లు, ఎగ్జిబిటర్లు, భాగస్వామ్య సంస్థలు సమన్వయంతో తొలి రోజు కార్యక్రమాలను విజయవంతంగా నిర్వహించారు.

కార్యక్రమానికి విచ్చేసిన ముఖ్య అతిథులకు, రైతు సోదరులకు, వ్యాపారవేత్తలకు, మీడియా ప్రతినిధులకు, సహకరించిన ప్రతి ఒక్కరికీ నిర్వాహకులు ప్రత్యేక కృతజ్ఞతలు తెలిపారు.నవంబర్ 21, 22 తేదీల్లో మరిన్ని ప్రత్యేక కార్యక్రమాలు

రాబోయే రెండు రోజుల్లో ఫుడ్ అండ్ అగ్రి బిజినెస్, ఆయుష్ అండ్ వెల్‌నెస్, సోషల్ అండ్ డిజిటల్ ఇన్‌ఫ్లుయెన్సర్స్, సీఈఓస్ అండ్ ఎండీస్ గ్రోత్, ఉమెన్ ఎంపవర్‌మెంట్ వర్క్‌షాప్‌లతో పాటు ప్రత్యేక సాంస్కృతిక కార్యక్రమాలు నిర్వహించనున్నారు.

రైతులు, యువత, వ్యాపారవేత్తలు, ప్రజలు పెద్ద సంఖ్యలో పాల్గొని ఈ అవకాశాలను సద్వినియోగం చేసుకోవాలని నిర్వాహకులు కోరారు.

 

Leave a Reply

Your email address will not be published. Required fields are marked *