అత్యంత అరుదైన మెదడు కణితితో బాధపడుతున్న సోమాలియా దేశానికి చెందిన 9 నెలల చిన్నారికి కొత్త జీవితం అందించిన కేర్ హాస్పిటల్స్ వైద్యులు
సోమాలియా నుంచి చికిత్స కోసం వచ్చిన చిన్నారికి ఒకే శస్త్రచికిత్సలో రెండు క్లిష్టమైన మెదడు ఆపరేషన్లు… అత్యంత అరుదైన గ్లియోన్యూరల్ ట్యూమర్ను పూర్తిగా తొలగించి, మెదడుపై ప్రాణాపాయ ఒత్తిడిని తగ్గించిన కేర్ హాస్పిటల్స్, హైటెక్ సిటీ వైద్యులు
హైదరాబాద్, జూలై 24:* కేర్ హాస్పిటల్స్, హైటెక్ సిటీ వైద్యులు సోమాలియా దేశానికి చెందిన తొమ్మిది నెలల చిన్నారికి ప్రాణాపాయ స్థాయికి చేరిన హైడ్రోసెఫాలస్ (మెదడులో రక్షణ ద్రవం అధికంగా పేరుకుపోయి మెదడుపై తీవ్ర ఒత్తిడి ఏర్పడటం)కు విజయవంతంగా చికిత్స అందించారు. ఈ సమస్యకు కారణం కొరాయిడ్ ప్లెక్సస్ (మెదడులో రక్షణ ద్రవాన్ని తయారు చేసే భాగం) నుంచి ఏర్పడిన అత్యంత అరుదైన గ్లియోన్యూరల్ ట్యూమర్ అని వైద్యులు గుర్తించారు. ఈ కణితి కారణంగా మెదడులో రక్షణ ద్రవం (సీఎస్ఎఫ్) అసాధారణంగా పెరిగి మెదడుపై ప్రమాదకరమైన ఒత్తిడి ఏర్పడటమే కాకుండా చిన్నారి తల పరిమాణం కూడా అసాధారణంగా పెరిగింది.
వివిధ విభాగాల వైద్యుల సమన్వయంతో ఒకే శస్త్రచికిత్సలో రెండు క్లిష్టమైన మెదడు ఆపరేషన్లు నిర్వహించి, మెదడుపై ఉన్న ప్రమాదకర ఒత్తిడిని వెంటనే తగ్గించడంతో పాటు అత్యంత అరుదైన కణితిని పూర్తిగా తొలగించారు.
మాస్టర్ షఫీ మహమ్మద్ హుస్సేన్ అనే చిన్నారిని, చురుకుదనం తగ్గిపోవడం, నీరసంగా ఉండటం, పిలిచినా సరిగా స్పందించకపోవడం వంటి లక్షణాలు కనిపించడంతో కుటుంబ సభ్యులు కేర్ హాస్పిటల్స్కు తీసుకొచ్చారు. న్యూరాలజీ పరీక్షలు, అధునాతన ఎంఆర్ఐ స్కాన్ల అనంతరం చిన్నారికి ప్రాణాపాయ స్థాయిలో ఉన్న హైడ్రోసెఫాలస్తో పాటు అత్యంత అరుదైన మెదడు కణితి ఉన్నట్లు వైద్యులు నిర్ధారించి అత్యవసర శస్త్రచికిత్స అవసరమని నిర్ణయించారు.
వైద్య పరీక్షల్లో మెదడులో రక్షణ ద్రవం అధికంగా పేరుకుపోవడం వల్ల మెదడుపై ప్రమాదకరమైన ఒత్తిడి ఏర్పడటమే కాకుండా చిన్నారి తల పరిమాణం కూడా అసాధారణంగా పెరిగినట్లు గుర్తించారు.
మరిన్ని పరీక్షల్లో మెదడులో రక్షణ ద్రవాన్ని ఉత్పత్తి చేసే కొరాయిడ్ ప్లెక్సస్ నుంచి ఏర్పడిన అత్యంత అరుదైన గ్లియోన్యూరల్ ట్యూమర్ ఉన్నట్లు తేలింది. శిశువుల్లో ఇలాంటి కణితులు చాలా అరుదుగా కనిపిస్తాయి. ఈ కణితి కారణంగా రక్షణ ద్రవం మరింతగా ఉత్పత్తి కావడంతో హైడ్రోసెఫాలస్ వేగంగా తీవ్రమై పరిస్థితి ప్రాణాపాయంగా మారింది.
చికిత్స ఆలస్యమైతే మెదడు శాశ్వతంగా దెబ్బతినడం, పిల్లల ఎదుగుదల ఆలస్యం కావడం, ఫిట్స్ రావడం, చూపు దెబ్బతినడం వంటి తీవ్రమైన సమస్యలతో పాటు ప్రాణాపాయం కూడా ఏర్పడే ప్రమాదం ఉందని వైద్యులు తెలిపారు.
చిన్నారి వయస్సు, సమస్య క్లిష్టతను దృష్టిలో ఉంచుకుని రెండు వేర్వేరు శస్త్రచికిత్సలు చేయకుండా ఒకే ఆపరేషన్లో రెండు సమస్యలకు చికిత్స చేయాలని న్యూరోసర్జరీ బృందం నిర్ణయించింది.
మొదట వైద్యులు వెంట్రిక్యులో-పెరిటోనియల్ షంట్ అమర్చి మెదడులో పేరుకుపోయిన అదనపు ద్రవాన్ని పొత్తికడుపు వైపు మళ్లించి మెదడుపై ఒత్తిడిని తగ్గించారు. అనంతరం అదే శస్త్రచికిత్సలో క్రానియోటమీ నిర్వహించి కణితిని పూర్తిగా తొలగించారు.
తొలగించిన కణితిని హిస్టోపథాలజీ పరీక్షకు పంపగా, డాక్టర్ విజయ, కన్సల్టెంట్ పాథాలజిస్ట్ నిర్వహించిన బయాప్సీ పరీక్షలో అది కొరాయిడ్ ప్లెక్సస్ నుంచి ఏర్పడిన అత్యంత అరుదైన పీడియాట్రిక్ గ్లియోన్యూరల్ ట్యూమర్ అని నిర్ధారణ అయింది. దీంతో శస్త్రచికిత్సలో గుర్తించిన వ్యాధి నిర్ధారణకు ధృవీకరణ లభించడంతో పాటు భవిష్యత్ చికిత్సకు కూడా మార్గనిర్దేశం లభించింది.
తొమ్మిది నెలల చిన్నారికి ఒక పెద్ద మెదడు శస్త్రచికిత్స చేయడమే అత్యంత క్లిష్టమైన విషయం. అలాంటిది ఒకే శస్త్రచికిత్సలో రెండు క్లిష్టమైన న్యూరోసర్జరీలు విజయవంతంగా నిర్వహించడానికి న్యూరోసర్జరీ, అనస్థీషియా, రేడియాలజీ, పీడియాట్రిక్స్, పాథాలజీ విభాగాల మధ్య అత్యంత సమన్వయం అవసరమైంది.
శస్త్రచికిత్స అనంతరం చిన్నారి ఆరోగ్యం వేగంగా మెరుగుపడింది. మొదట ఐసీయూలో ప్రత్యేక పర్యవేక్షణలో ఉంచి చికిత్స అందించారు. అనంతరం పరిస్థితి నిలకడగా మారడంతో వార్డుకు తరలించారు. క్లిష్టమైన శస్త్రచికిత్స జరిగిన మూడు రోజులకే చిన్నారి డిశ్చార్జ్ అయి ప్రస్తుతం ఆరోగ్యంగా కోలుకుంటున్నాడు.
*కేర్ హాస్పిటల్స్, హైటెక్ సిటీ సీనియర్ కన్సల్టెంట్ న్యూరోసర్జన్ డాక్టర్ లక్ష్మీనాథ్ శివరాజు* మాట్లాడుతూ, “ఈ చిన్నారిలో కొరాయిడ్ ప్లెక్సస్ నుంచి ఏర్పడిన అత్యంత అరుదైన గ్లియోన్యూరల్ ట్యూమర్ కారణంగా మెదడులో రక్షణ ద్రవం నిరంతరం అధికంగా పేరుకుపోయి ప్రాణాపాయ స్థాయిలో ఒత్తిడి ఏర్పడింది. దీంతో తల పరిమాణం కూడా క్రమంగా పెరుగుతోంది. ముందుగా వీపీ షంట్ ద్వారా ఒత్తిడిని తగ్గించి, అదే శస్త్రచికిత్సలో కణితిని పూర్తిగా తొలగించాం. తొమ్మిది నెలల చిన్నారికి ఒకేసారి రెండు క్లిష్టమైన న్యూరోసర్జరీలు నిర్వహించడం అత్యంత సవాలుతో కూడుకున్నప్పటికీ మా బృందం విజయవంతంగా పూర్తి చేసింది. ప్రస్తుతం చిన్నారి కోలుకుంటుండటం ఎంతో ఆనందంగా ఉంది” అని తెలిపారు.
అలాగే, “న్యూరోసర్జరీ, అనస్థీషియా, రేడియాలజీ, పీడియాట్రిక్స్, పాథాలజీ విభాగాల సమిష్టి కృషితోనే ఈ విజయం సాధ్యమైంది. హిస్టోపథాలజీ పరీక్ష ద్వారా వ్యాధిని నిర్ధారించిన డాక్టర్ విజయకు ప్రత్యేక ధన్యవాదాలు” అని అన్నారు.
*కేర్ హాస్పిటల్స్, హైటెక్ సిటీ చీఫ్ ఆపరేటింగ్ ఆఫీసర్ డాక్టర్ ప్రమోద్ గుప్తా* మాట్లాడుతూ, “సోమాలియా నుంచి చికిత్స కోసం వచ్చిన తొమ్మిది నెలల చిన్నారిలో ప్రాణాపాయ స్థాయికి చేరిన హైడ్రోసెఫాలస్కు కారణమైన అత్యంత అరుదైన గ్లియోన్యూరల్ ట్యూమర్కు ఒకే శస్త్రచికిత్సలో విజయవంతంగా చికిత్స అందించడం కేర్ హాస్పిటల్స్లోని అత్యాధునిక న్యూరోసర్జరీ నైపుణ్యానికి నిదర్శనం. ప్రపంచంలోని వివిధ దేశాల నుంచి వచ్చే రోగులకు కూడా అత్యున్నత స్థాయి వైద్య సేవలు అందించే సామర్థ్యం మా బృందానికి ఉందని ఈ విజయం మరోసారి నిరూపించింది” అని తెలిపారు.
వైద్యులు తల్లిదండ్రులకు సూచిస్తూ… శిశువుల్లో అసాధారణ నీరసం, పాలు సరిగా తాగకపోవడం, తరచూ వాంతులు, ఎక్కువగా నిద్రపోవడం, ఫిట్స్ రావడం, తల పరిమాణం వేగంగా పెరగడం లేదా ప్రవర్తనలో మార్పులు కనిపిస్తే నిర్లక్ష్యం చేయకుండా వెంటనే వైద్యులను సంప్రదించాలని సూచించారు. ముందుగానే వ్యాధిని గుర్తించి సకాలంలో చికిత్స అందిస్తే మెదడుకు శాశ్వత నష్టం కలగకుండా నివారించవచ్చని తెలిపారు.
